Eýropa kútip otyrǵan 10 transfer

Dıego Kosta «Atletıko» (Ispanııa). «Atletıko» fýtbol komandasyn qazirde órge súırep júrgen úzdik oıynshylardyń biri Dıego Kostany óz qataryna qosyp alýǵa talaı komanda úmitti. Úmitkerler qatarynda «Arsenal», «Chelsı» jáne «Borýssııa D» klýbtary bar. Tanymal transfermarket.de saıtynyń bergen baǵasy 25 mıllıon eýro. 25 jastaǵy fýtbolshyny osyǵan deıin elemeı kelgen basshylyqtar bıylǵy maýsymda eriksiz moıyndap jatyr. Ronaldý, Messımen bir qatarda bolýdyń ózi jetistik. Ispanııa prımerasyndaǵy mergender tiziminde esimin aldyńǵy qatarǵa jazyp úlgergen Kosta qysqy aýysym barysynda aýysatyn úzdik oıynshylardyń qatarynda.

Serhıo Agýero «Manchester Sıtı» (Anglııa). Anglııa premer-lıgasyndaǵy «jyrtqysh» oıynshylardyń biri. Bıylǵy maýsymda ótkizgen kezdesýlerinde 13 gol salyp shyqty. Agýerony alýǵa transferdiń «tóreleri» «Real» men «Barselona» fýtbol klýbtary úmitker. Agýeroǵa transfermarket.de bergen baǵasy - 40 mıllıon eýro. Aýysym barysynda aldyna jan salmaıtyn úzdik klýbtar Agýeronyń qunyn kórsetilgen somadan da joǵarlatýy múmkin.

Hýan Mata «Chelsı» (Anglııa). Moýrınıý klýbqa qalaı keldi, solaı komandadan Matanyń kúni bata bastady. Matanyń bıyl kórsetken oıyny men byltyrǵy kezdesýlerin salystyrý óte qıyn. «Chelsı» fýtbol klýbynda az ýaqyttyń ishinde boıtumar oıynshylardyń biri bolǵan Mataǵa «PSJ», «Valensııa», «Atletıko» jáne «ıÝventýs» klýbtary úmitker. Transfermarket.de Matany 45 mıllıon eýroǵa baǵalaǵan.

Anhel Dı Marııa «Real» (Ispanııa). Garet Beılge óziniń alańdaǵy ornyn berip qoıǵan fýtbolshy bıylǵy maýsymdy qosalqy quramda kóp ótkizdi. Jeltoqsan aıynyń basynda Dı Marııany «Monako» komandasy transfermarket.de kórsetilgen Anheldiń 34 mıllıon eýrosyn tolyq bere alatyndyqtaryn aıtqan.

Nıkolas Otamendı «Portý» (Portýgalııa). Transferdiń esigi ashylysymen «Monako» komandasynyń ujymy bilek sybanyp kirisip ketti. Úzdik oıynshylardyń birazyna derlik kóz salýda. Solardyń ishinde Nıkolas Otamendı de bar. Otamendıdi transfermarket.de saıyty 13 mıllıon eýroǵa baǵalaǵan.

ıÝlıan Draksler «Shalke» (Germanııa). Drakslerdi óz qataryna alǵysy keletin komandalar óte kóp. «Manchester ıÝnaıted», «Arsenal», «Chelsı», «Lıverpýl», «Real», «Barselona» jáne «PSJ» fýtbol komandalary úmitker bolyp tur. Drakslerge úmitti komandalardyń tizimi uzyn-sonar jalǵasa beredi. Drakslerdi transfermarket.de 30 mıllıon eýroǵa baǵalady.

Marko Roıs «Borýssııa» (Germanııa). Chempıondar lıgasynyń fınalyna deıin jetken áriptesteriniń birazynan kóz jazyp qalǵan Roıs ta klýbtan ketedi degen sybystar bar. Roısty alýǵa belsenip otyrǵan «Manchester ıÝnaıted» komandasy. Roısty transfermarket.de portaly 34 mıllıon eýro dep tujyrymdaǵan.

Mark-Andre ter-Shtegen «Borýssııa Menhengladbah» Eýropanyń iri saıystarynyń birinde kózge túsken jas oıynshy Mark-Andreni óz sapyna shaqyryp otyrǵandar kóbeıdi. Olardyń ishinde «Mılan», «ıÝventýs», «Barselona» jáne «Arsenal» komandalary bar. 21 jastaǵy ter-Shtegendi ár klýb negizgi qaqpashy etýge ázir ekendikterin jetkizgen.

Haver Pastore «PSJ» (Frantsııa). «Argentınalyq Kakany» Italııa eliniń klýbtary shaqyryp otyr. Italııanyń A Serııasynda jeńilissiz kele jatqan «Roma» jáne nátıjesi táýir «Inter» komandalary ózderiniń kelisimsharttaryn usynyp otyr. Pastorege transfermarket.de bergen baǵasy 27 mıllıon eýro.

Robert Levandovskıı «Borýssııa» (Germanııa). Byltyrǵydaı oıyn kórsetpese de, bıyl jaqsy nátıje kórsetken Levandovskııdi ózine shaqyryp otyrǵandar kóp. Olardyń qatarynda «Barselona», «Bavarııa», «Manchester Sıtı», «Manchester ıÝnaıted», «Chelsı» jáne «Arsenal» klýbtary bar. Levandovskııdi transfermarket.de saıty 39 mıllıon eýroǵa baǵalady.