Eýropa Qurama Shtattaryn qurý ıdeıasyn qoldaımyz - GFR SІM basshysy
ASTANA. QazAqparat - GFR SІM basshysy Zıgmar Gabrıel partııalasy, Germanııa sotsıal-demokratııalyq partııasynyń (GSDP) tóraǵasy Martın Shýltstyń 2025 jylǵa qaraı Eýropa Qurama Shtattaryn qurý ıdeıasyn qoldady, dep habarlaıdy TASS.
Mınıstrdiń aıtýynsha, saıasatkerler Eýroodaqty damytý jónindegi naqty bastamalardyń joqtyǵynan jıi synǵa ushyraıdy. «Martın Shýlts bolashaqta Eýropa qalaı damýy tıis ekendigi jóninde ıdeıa usynyp edi, jurtshylyq oǵan tarpa bas saldy», - dedi mınıstr jeksenbide ARD telearnasyna bergen suhbatynda. Gabrıeldiń pikirinshe, Shýltstyń usynysy Eýroodaqty «azamattar múddeleriniń ókiline» aınaldyrýǵa baǵyttalǵan. «Bul shynynda da qajet», - dep atap ótti Germanııa syrtqy saıası vedomstvosynyń basshysy.
«Bul ıdeıa, bálkim, meniń nemerelerimniń dáýirinde iske asatyn shyǵar», - deıdi osy máselege pikirin bildirgen GFR qorǵanys mınıstri Ýrsýla fon der Lıaıen ZDF telearnasyna bergen suhbatynda.
Beısenbi kúni Shýlts «Federatıvtik Eýropany qurýdy qamtamasyz etetin» konstıtýtsııalyq kelisimniń qajettigin aıtqan bolatyn. Ol bul rette «Eýropanyń kóptegen máselelerdi sheshýge qabiletsiz ekendigin» alǵa tartty.
