Eýropa qysqy ýaqytqa kóshti: saǵat tili bir saǵat artqa jyljydy
ASTANA. KAZINFORM — 25 qazan túni EO múshe memleketterinde saǵattar bir saǵatqa artqa jyljytyldy, dep habarlaıdy Kazinform DW-ge silteme jasap.
Eýropa Odaǵyna múshe elder 25 qazan jeksenbige qaraǵan túni saǵat tilin bir saǵatqa artqa jyljytyp, qysqy ýaqytqa kóshti.
Eýroodaqta jazǵy jáne qysqy ýaqytty aýystyrýdyń biryńǵaı erejesi 1996 jyldan beri qoldanylady. Naýryzdyń sońǵy jeksenbisinde Eýropa ýaqytyn bir saǵat alǵa, al qazannyń sońǵy jeksenbisinde bir saǵat artqa jyljytady. 2019 jyly Eýropa Parlamenti ýaqyt aýystyrýdy alyp tastaýdy qoldaǵan bolatyn, biraq EO elderi bul másele boıynsha áli ortaq ustanymǵa kelgen joq.
Qazir Eýropa Odaǵynda úsh ýaqyt beldeýi bar. Irlandııa men Portýgalııa Grınvıch ýaqytyn (GMT) paıdalanady, Fınlıandııa, Baltyq jaǵalaýy elderi sekildi segiz el Shyǵys Eýropa ýaqytymen ómir súredi, bul elderde tań Grınvıchten eki saǵat buryn atady. Al Eýropanyń ortalyq bóligindegi qalǵan elder Ortalyq Eýropa ýaqytyn (Grınvıchten bir saǵat alda) júredi.
Buǵan deıin AQSh-ta Tramp ta saǵat tilin jylyna eki ret aýystyrýdy toqtatýdy usynǵan bolatyn.
