Eýropa Qazaqstan azamattaryna vıza rejımin jeńildetýge qyzyǵýshylyq tanytyp otyr

Eýropalyq odaq elderi Qazaqstan azamattaryna vıza tártibin jeńildetýge qyzyǵýshylyq tanytyp otyr. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Jarty jyl buryn Syrtqy ister mınıstri Murat Nurtileý Brıýsselge saparmen baryp, EO-nyń vıza máselesine jaýap beretin joǵary laýazymdy ókilderimen kezdesý ótkizdi. Ol jaqta Eýropa tarapynyń bizge vıza alýdy jeńildetetindigi týraly ýaǵdalastyqqa qol jetkizildi. Sol dıalogtyń jalǵasy retinde Brıýsseldegi Elshiligimiz arqyly osy jaqta da tıisti jumys istep jatyrmyz», — dedi Aıbek Smadııarov vedomstvoda ótken brıfıngte.

Onyń atap ótýinshe, ótken aptada elimizdiń Syrtqy ister mınıstriniń konsýldyq máselelerge jetekshilik jasaıtyn orynbasary Qazaqstanda akkredıttelgen eýropalyq elshilikterdiń ókilderimen kezdesken. 

Eýropalyq tarap vızany jeńildetý protsesine zor qyzyǵýshylyq tanytyp otyr.

Degenmen, otandastarymyzǵa Shengen vızasyn alý qashan jeńildeıtini belgisiz.

«Ol jerde 27 el bar. Ońaı emes, úlken bıýrokratııa bar. Onyń bárin eńserip, vızalyq rejımdi jeńildetýge ýaǵdalasý kerek», — dedi Aıbek Smadııarov.