Eýropa - endi negizgi áriptes emes: Germanııa Tramptyń jańa strategııasynan qaýiptenip otyr

ASTANA. KAZINFORM — AQSh prezıdenti Donald Tramp usynǵan Ulttyq qaýipsizdik jónindegi jańa strategııa Berlınde alańdaýshylyq týǵyzdy. 

BILD basylymynyń habarlaýynsha, Germanııa Іshki ister mınıstrligi daıyndaǵan qupııa taldamalyq jazbada bul qujat tikeleı qaýip retinde baǵalanǵan.

Analıtıkalyq jazbada AQSh-tyń jańa strategııasynda Eýropanyń burynǵydaı basty áriptes retinde qarastyrylmaıtyny atap ótilgen.

«Qujatta Eýropa endi negizgi áriptes retinde anyqtalmaıdy, al alıanstardyń (NATO, EO) jáne ortaq qundylyqtardyń kúshti róli burynǵydaı basa kórsetilmeıdi. Eýropa endi basym seriktes retinde sıpattalmaıdy (ol Soltústik jáne Ońtústik Amerıka men Azııadan keıin úshinshi orynǵa yǵystyrylǵan), kerisinshe problemaly aımaq retinde kórsetiledi», - delingen qujatta.

Germanııa Іshki ister mınıstrliginiń sarapshylary AQSh-tyń Eýropaǵa qatysty ustanymynda «aıqyn strategııalyq ári rıtorıkalyq betburys» bar ekenin tirkegen.

Nemis taldaýshylarynyń baǵalaýynsha, Vashıngton Eýropadaǵy saıası úderisterge maqsatty túrde yqpal etýdi kózdep otyr. Atap aıtqanda, AQSh «patrıottyq partııalar» dep atalatyn saıası kúshterdi qoldap, Eýroodaqtyń qazirgi baǵytyna qarsy narazylyqty yntalandyrýy múmkin.

«Germanııa úshin balama» sekildi partııalar yntymaqtastyqqa laıyq seriktes retinde qarastyrylady. Ońshyl partııalarǵa úkimet qalyptastyrý jónindegi demokratııalyq turǵyda zańdy talaptaryn iske asyrýda kómek kórsetiledi», - dep jazylǵan Germanııa ІІM-niń taldamalyq jazbasynda.

Qujatta sondaı-aq Germanııa AQSh talaptaryn qanshalyqty deńgeıde oryndaýǵa daıyn ekenin «synı turǵyda baǵalaýy tıis» ekeni kórsetilgen. Sebebi mundaı qadamdar Eýroodaqty álsiretip, Berlınniń óz strategııalyq maqsattaryna nuqsan keltirýi múmkin.

Aıta keteıik, Parıjde Eýropa elderiniń qatysýymen Tramptyń beıbitshilik jospary talqylanady.