Eýropa elderiniń benzın baǵasyna reıtıngisi
ASTANA. QazAqparat - «RIA Reıtıng» sarapshylary elderdiń resmı statıstıkasy málimetterine súıenip, benzın baǵasy deńgeıi boıynsha elderdiń kezekti reıtıngisin ázirledi. 2014 jylǵy ІІ toqsandaǵy eń qymbat benzın burynǵysha Norvegııada satylýda, lıýksembýrgtikter ózderiniń tabysyna basqalardan kóbirek benzın satyp ala alady, dep habarlady reseılik «Jańalyqtar» agenttigi.
«RIA Reıtıng» sarapshylarynyń pikirinshe, 2014 jyldyń basynda Eýropanyń avtomobıl benzıniniń tutyný naryǵynda jaǵdaı qalypty boldy. Baǵalar onsha ózgere qoıǵan joq. Keıinnen Ýkraınada saıası daǵdarys pen oǵan ilese ekronomıkalyq problemalar kúsheıe túsken kezde onda beyzın baǵasy kúshti ósip ketti. Sondaı-aq otynǵa salyq júktemesi ulǵaıǵan Rýmynııada da benzın eleýli túrde qymbattady.
