Eýropa elderiniń basshylary «Eýro-2012»-ge baıkot jarııalamaq
ASTANA. 15 mamyr. QazAqparat - Eýropa elderiniń birqatar memleket basshylary «Eýro-2012» fýtbol chempıonatyna saıası baıkot jarııalaý máselesin kóterip, Ýkraına jerinde qalyptasqan saıası júıege baılanysty osy halyqaralyq dodaǵa qatyspaıtyndyqtaryn birinen soń biri málimdeýde.
Eýropa odaǵy syrtqy ister mınıstrleriniń kezekti otyrysy barysynda osy ustanymdy Belgııanyń syrtqy ister vedomstvosynyń basshysy Dıde Reınders de quptady. «Menińshe, ol chempıonatqa saıasatkerler qatyspaýy tıis. Biz Belgııada naqty sheshim qabyldadyq - saıası baıkot qajet», - dedi ol. Óz sózinde Belgııa mınıstri tek saıası baıkotty ǵana jarııalaý qajettigin jetkizdi. «Bul jerde sporttyq baıkot múldem orynsyz», - deıdi D.Reınders. Ázirshe, Eýroodaq elderiniń birde bireýi de «Eýro-2012» chempıonatynan bas tartqan joq.
Aıta ketken jón, buǵan deıin Eýropalyq komıssııanyń tóraǵasy Joze Manýel Barrozý «Eýro-2012»-ge barmaıtyndyǵyn jarııa etken bolatyn. Osy arqyly ol túrmege túsken Ýkraınanyń eks-premeri ıÝlııa Tımoshenkoǵa qatysty qoldanǵan sharalarǵa óz qarsylyǵyn bildirip otyr. Germanııanyń kantsleri Angela Merkel de Ýkraınadaǵy «dıktatýra men repressııalardy» synǵa alyp, saıası baıkot jarııalady.
