Eýropa elderinde dári-dármek jetispeı jatyr

ASTANA. QazAqparat – Eýropa elderinde amoksıtsıllın sııaqty antıbıotıkter, tumaýǵa jáne basqa da respıratorlyq ınfektsııalarǵa qarsy dáriler, balalarǵa arnalǵan keıbir dári-dármekter defıtsıti týyndady, dep habarlaıdy QazAqparat euronews.com saıtyna silteme jasap.

Kóptegen elderde jaǵdaı asa kúrdeli, biraq mundaı taýarlar dárihanalardan múldem joq bolyp ketpegendikten azamattarǵa qor jasamaýǵa keńes berýde.

Dárigerler koronavırýstan qorǵaný saldarynan halyqta tabıǵı ımmýnıtet álsiregenin atap ótti. Suranystyń kúrt ósýiniń negizgi sebebi - óndiristik qýattylyqtyń jetispeýshiligi men respıratorlyq aýrýlardyń kóp taralýy. Farmatsevtıka máselesi ulttyq deńgeıde sheshilgendikten, úkimetter tapshylyqty joıý úshin sharalar qabyldaýda.

«Pedıatorlyq dári-dármekter qarapaıym tabletka kúıinde óte az bolady. Sondyqtan balalar kóp aýyratyn jerde pedıatorlyq dári-dármekterterge suranys joǵary», - dedi Eýropalyq dárilik quraldar agenttiginiń bas medıtsınalyq dırektory Shteffen Tırstrýp.

Jaqynda júrgizilgen zertteý Ispanııada dári-dármek tapshylyǵy bir jylda 38%-ǵa óskenin kórsetti. Óndiristiń tómendeýine ınflıatsııa, energııa baǵasynyń joǵarylaýy, shıkizat tapshylyǵy jáne pandemııanyń saldary áser etti.

«Bizge dıversıfıkatsııa qajet. Árıne, belsendi ıngredıentter sııaqty keıbir mańyzdy materıaldardy óndirýdi Eýropaǵa qaıtarý paıdaly bolar edi. Biraq biz dári-dármek úshin qoldanatyn barlyq materıaldar óndirisin qaıtara almaımyz. Bul qorshaǵan ortany qorǵaý týraly zańdy, basqa aımaqtarda mindetti túrde oryndalmaıtyn eńbek týraly zańdy oryndaýǵa baılanysty dárihana baǵasynyń ósýi sııaqty máselelerdi týdyrady», - dedi EO Farmatsevtıka tobynyń basshysy Ilarııa Passaranı.

Eýrokomıssııa naýryzda EO farmatsevtıka zańnamasynyń qaıta qaralǵan nusqasyn usynady.