Eýropa elderi koronavırýstyń ekinshi tolqynyna daıyndalyp jatyr – BAQ
LONDON. TASS – QazAqparat – Keıbir elderde ınfektsııa juqtyrǵandar sany qaıta kóbeıip ketkendikten, Eýropa koronavırýstyń ekinshi tolqynyna daıyndalyp jatyr, ıaǵnı shekteý sharalary qaıta engizilýi múmkin, dep habarlaıdy QazAqparat TASS agenttigine silteme jasap.
Bul týralyThe Guardian gazeti habarlady. Belgııa úkimeti 17 men 23 shilde aralyǵynda ınfektsııaǵa shaldyqqandar sany 163-ten 279-ǵa deıin, 71%-ǵa artqandyqtan, elde qatań karantın erejesi engizilýi múmkin ekenin eskertti.
«Eger biz koronavırýstyń taralýyn tejeı almasaq, bul ujymdyq sátsizdik bolady», - dedi Belgııa premer-mınıstri Sofı Vılmes ulttyq qaýipsizdik keńesi otyrysynyń qorytyndysy boıynsha.
Sonymen qatar ol azamattardy múmkindiginshe úıden jumys isteýge shaqyrdy. Ispanııanyń Katalonııa aımaǵy 10 kún ishinde COVID-19 jaǵdaıy turaqtalmasa qaıtadan shekteý sharalaryn engizýi múmkin. Bul óńirde ınfektsııa klýb pen barda demalýshylar arasynda, sondaı-aq jemis-jıdek pen kókónis jınaıtyn maýsymdyq jumysshylar arasynda taraǵany anyqtaldy. Keıingi eki aptada Katalonııada 8 myńǵa jýyq vırýs juqtyrý oqıǵasy tirkeldi, Ispanııada bul kórsetkish 16 myńǵa jetti. Osyǵan baılanysty óńir bıligi barlyq túngi klýbtardy jaýyp, Barselona men Lerıda barlaryna túngi «kommendanttyq saǵat» engizdi.
Frantsııanyń densaýlyq saqtaý mınıstri Olıve Veran vırýs jastar arasynda keń tarap jatqandyqtan, saq bolýǵa shaqyrdy. Al Germanııa qoǵamdyq densaýlyq saqtaý konsýltatıvtik organy keıingi birneshe aptada syrqattanǵandar sanynyń artyp ketkenine alańdap otyrǵanyn jetkizdi.
Dúnıejúzilik densaýlyq saqtaý uıymy (DDSU) Eýropa óńirlik bıýrosynyń dırektory Hans Klıýge The Daily Telegraph gazetine bergen suhbatynda Eýropa elderi koronavırýs ınfektsııasynyń ekinshi tolqynyna daıyndalyp, densaýlyq saqtaý júıesin nyǵaıtyp, medıtsınalyq mekemelerdiń, alǵashqy medıtsınalyq-sanıtarlyq kómekti jáne qarqyndy terapııa bólimsheleriniń áleýetin arttyrý kerek ekenin málimdedi.
Onyń aıtýynsha, kúzde qurlyq koronavırýstyń ekinshi tolqynymen kúresip, oǵan maýsymdyq tumaý men qyzylsha qosylýy múmkin.
