Eýropa elderi koronavırýsqa baılanysty shekaraǵa kirý erejelerin kúsheıtedi
Endi Frantsııadan Ispanııaǵa kólikpen kirý úshin koronavırýs testisiniń teris nátıjesin usyný qajet. Aıta keteıik, Ispanııa turǵyndary úshin koroldikte asa mańyzdy emes saparlarǵa salynǵan ýaqytsha tyıym 30 sáýirge deıin uzartyldy.
GFR bıligi Frantsııamen, Polshamen jáne Danııamen shekaradaǵy baqylaýdy kúsheıtýge nıetti. Buǵan deıin bul shekaralarda qatań tekseris rejımi bolmaǵan edi. Bul qaýipsizdik sharasy endi Aýstrııanyń jekelegen aımaqtaryna, atap aıtqanda Tırolǵa qoldanylmaıdy.
Sondaı-aq GFR Іshki ister mınıstri Horst Zeehofer «Chehııada jaǵdaı áli de turaqsyz, koronavırýs juqtyrǵandardyń sany óte kóp, ásirese Germanııamen shekaralas aýdandarda. Sondyqtan biz Chehııa men Saksonııa, Chehııa men Bavarııa shekarasyndaǵy baqylaýdy taǵy 14 kúnge uzartamyz» dep habarlady.
Italııaǵa EO elderinen kelgenderde koronavırýs testisiniń nátıjei bolýy kerek, kelgennen keıin bes kúndik karantınde bolyp, testini qaıta tapsyrýy tıis.
EO men Shengen aımaǵyna kirmeıtin elderden kelgenderdiń barlyǵyna eki aptalyq karantın qarastyrylǵan. Eldegi týrızmge, sondaı-aq el ishindegi turǵyndardyń júrip-turýyna qozǵalysqa resmı túrde tyıym salynǵan.
