Eýropa elderi karantın sharalaryn kúsheıtti

NUR-SULTAN. QazAqparat - 31 jeltoqsannan bastap Parıjde, Lıonda, Dıjonda jáne Frantsııanyń basqa da qalalarynda maska taǵyp júrý qajet. Bul jańa omıkron shtamynyń taralýyna qarsy úkimet engizgen jańa shekteýlerdiń biri, dep habarlaıdy QazAqparat euronews-ke silteme jasap.

Sońǵy eki kúnde Frantsııada aýrý juqtyrǵandar sany bir táýlikte 200 myń adamnan asady.

Anglııa aýrýhanalarynda mereke kezinde aýrýdyń órshý yqtımaly joǵary bolatyndyqtan, ýaqytsha bólimder ashylyp jatyr. Ulybrıtanııada COVID-19 anyqtaıtyn testter jetispeýde. Sońǵy táýlikterde onda 189 myń adamnyń aýrýǵa shaldyqqany tirkeldi.
Mundaı jaǵdaı Italııada da baıqalýda. Beısenbi kúni onda 127 myń COVID-19 jańa jaǵdaıy rastaldy. Bul bir kún burynǵy kórsetkishten 30%-ǵa joǵary.
Jańa jyldy toılaý tek qana qýanysh emes, aýrýdyń jańa tolqynyn da ákelýi múmkin.
Germanııada kóptegen jańa jyldyq sharalar toqtatyldy, aýyrǵandar sany 42 myńǵa jetkendikten otshashý satýǵa tyıym salyndy.
Ispanııada, sonymen qatar, COVID-19 aýrýynyń ósýine baılanysty júzdegen adam jańa shekteýlerge narazylyq bildirý úshin Barselona kóshelerine shyqty - Katalonııada komendanttyq saǵat ornatyldy jáne barlyq jańa jyldyq sharalar toqtatyldy.