Eýropa elderi karantın sharalaryn qaıta kúsheıtip jatyr

NUR-SULTAN. QazAqparat – Eýropa elderinde koronavırýspen aýyrǵan adamdar sanynyń ósýine baılanysty karantın talaptary kúsheıtildi. Bul týraly QazAqparat Covid-19 taralýyna jol bermeý jónindegi VAK telegram kanalyna silteme jasap habarlaıdy.

Germanııada qatań shekteýler kúshine endi: Berlın men Gambýrg QR-kodsyz nemese PTR-testsiz qoǵamdyq kólikpen júrýge tyıym saldy, Bavarııa, Saksonııa jáne Tıýrıngııada lokdaýn jumys isteı bastady, birqatar aımaqtarda barlarǵa, klýbtarǵa jáne bordelderge vaktsınatsııasyz jáne testsiz barýǵa tyıym salyndy.

Slovakııada jalpy lokdaýn engizý josparlanyp otyr. Elde 2 aptaǵa «qatań» oqshaýlaýdy engizý múmkindigi talqylanýda. Eldiń aýrýhanalary naýqastarǵa lyq tolyp jatyr, lokdaýnnyń kómegimen bılik Densaýlyq saqtaý salasyna júktemeni azaıtyp, Rojdestvoda jaǵdaılardyń sanyn azaıtady dep úmittenedi.

Birqatar elderde koronavırýspen aýyratyndardyń táýliktik ósýi boıynsha anırekordtar jarııalandy: Germanııada 66 884 jaǵdaı, Chehııada – 25 864, Ońtústik Koreıada-4 115 jaǵdaı.