Eýropa elderi qalyń qar qursaýynda qaldy
ASTANA. QazAqparat - Eýropanyń kóptegen aýdandary qar qursaýynda qaldy. Qar saldarynan joldar, temirjoldar jabylyp, mektepterde sabaqtar toqtatyldy, dep habarlaıdy www.bbc.com.
Bavarııada Qyzyl Kires uıymy qar qursaýynda qalyp qoıǵan júk kóliginiń júrgizýshisine kómek kórsetti. Mıýnhenge taıaý jerde toǵyz jasar balanyń basyna aǵash qulap, mert boldy.
Al, aýstrııalyq qutqarýshy belden asatyn omby qardy basyp, Shlossalmban aýdanynda adasyp ketken polshalyq snoýbordshyǵa kómektesti.
«Teńiz deńgeıinen 800 metr bıiktikte ornalasqan jerge qardyń jaýýy 30 nemese 100 jylda bir ret bolatyn», - dedi Aýstrııa meteorologııalyq qyzmetinen Aleksandr Radlerr.
Shvetsııada eldiń soltústik aýdandarynda qatty daýyl soǵyp jatyr. Juma kúni Bavarııada aýa raıy kúrt buzyldy. Eldiń ońtústigi men shyǵysynda temirjoldar qatty zaqymdanǵan. Ol jerdegi temirjoldardy qar men qulaǵan aǵashtar basyp qalǵan.
Shveıtsarııada Santıs-Shvegalp kýrortynda «Shvegalp» qonaqúıin qar basyp, qonaqúı meıramhanasynyń shyny esikterin syndyrǵan. Barlyq týrıster evakýatsııalandy.
