Eýropa elderi AstraZeneca ekpesin saldyrtýdy qaıta bastady

NUR-SULTAN. QazAqparat –Eýropada dárilik zattardy retteýshi (EMA) beısenbi kúni AstraZeneca vaktsınasynyń qaýipsiz ári tıimdi ekenin rastaǵannan keıin Eýropa elderi bul vaktsına saldyrtýdy qaıta bastap jatyr. Bul týraly QazAqparat BBC aqparattyq agenttigine silteme jasap habarlaıdy.

Mamandar bul bul qorytyndyny AstraZeneca. Preparatyn saldyrtqan Eýropa elderi turǵyndarynda trombtardyń paıda bolýynyń tirkelgen oqıǵalaryn zerttegen soń jasady.

Beısenbi kúni EMA AstraZeneca vaktsınasy men keıbir patsıentterde tromboz oqıǵalarynyń arasynda baılanys tappaǵanyn málimdedi. Jumadan bastap AstraZeneca vaktsınasyn qaıta qoldana bastaıtyn elderdiń qatarynda Frantsııa, Germanııa, Italııa, Portýgalııa, Latvııa jáne Lıtva bar.

Nıderlandy AstraZeneca vaktsınasyn kelesi aptadan bastap qoldana bastaıdy. El bıligi bir aptalyq úzilis saldarynan 110 myń adam ekpeniń josparlanǵan dozasyn almaǵanyn málimdedi.

Eske salsaq, Shvetsııa AstraZeneca vaktsınasyn qoldanýdy toqtatty. Sonymen qatar Eýropanyń birqatar eli AstraZeneca vaktsınasyn qoldanýdan ýaqytsha bas tartqan edi.