Eýropa damý jáne qaıta qurý banki Qazaqstan ekonomıkasyna $9 mlrd ınvestıtsııa quıǵan

NUR-SULTAN. QazAqparat - Eýropalyq damý jáne qaıta qurý banki Qazaqstannyń «jasyl ekonomıkasyna» 375 mln dollar ınvestıtsııa bólgen. Bul týraly bank prezıdenti Sýma Chakrabartı QR Prezıdenti janyndaǵy sheteldik ınvestorlar keńesiniń 32-shi plenarlyq otyrysynda aıtty, dep habarlaıy QazAqparat tilshisi.

«Meniń bul jolǵy Qazaqstanǵa jasaǵan saparymnyń burynǵylardan birneshe aıyrmashylyǵy bar. Forým Qazaqstannyń jańa Prezıdentiniń qatysýymen ótip jatyr. Keńeske jańa músheler qabyldanyp jatyr», - degen bank basshysy Eýropalyq banktiń Qazaqstan keonomıkasynda táýelsizdiktiń alǵashqy jyldarynan beri belsendi ınvestor bolyp kele jatqanyn atady.

«Bizdiń bank pen Qazaqstan arasyndaǵy qarym-qatynas sheteldik ınvestorlar keńesi qurylmaı turyp ornaǵan bolatyn. Qazaqstanǵa quıǵan ınvestıtsııanyń jalpy kólemi 9 mlrd dollardan asady. Onyń ishinde bıyldyń ózinde 450 mln dollar qarjy salyp otyrmyz. 3 birdeı balamaly qýat kózderin damytýǵa arnalǵan jobany qarjylandyrmaqpyz. Qazaqstannyń «jasyl keonomıkasyn» qoldaýǵa jalpy somasy 375 mln dollar bóldik», - dedi Sýma Chakrabartı.

Eýropalyq bank tóraǵasy Qazaqstan ekonomıkasyndaǵy eńbek ónimdiliginiń artyp kele jatqanyn da atady.

«Biz Qazaqstannyń jarqyn bolashaǵy týraly aıtqanda abstraktili oıǵa jol bermeýimiz kerek. Qazaqstan ekonomıkasy basymdyqty joǵary bilikti mamandarǵa berý baǵytynan kóp dúnıe utty. Bul tájirıbe - kóptegen damýshy jáne damyǵan elderge úlgi», - dedi ol.