Eýropa chıkýngýnıa vırýsynyń taralý oshaǵyna aınalýy múmkin
ASTANA. KAZINFORM — Klımattyń ózgerýine baılanysty chıkýngýnıa vırýsynyń taralý aımaǵy edáýir keńeıip, XXI ǵasyrdyń sońyna qaraı Eýropa, Soltústik Amerıka jáne Shyǵys Azııanyń qońyrjaı óńirlerine jetýi múmkin, dep habarlaıdy Report.
Bul týraly Qytaıdyń Chjetszıan qytaı medıtsına ýnıversıteti ǵalymdarynyń Frontiers in Cellular and Infection Microbiology jýrnalynda jarııalanǵan zertteýinde aıtylǵan.
Chıkýngýnıa — Aedes tektes masalar arqyly taralatyn jáne Dúnıejúzilik densaýlyq saqtaý uıymy «umyt qalǵan tropıkalyq aýrýlar» qataryna jatqyzǵan vırýstyq dert. Aýrý joǵary temperatýramen, býyn men bulshyqettegi qatty aýyrsynýmen, álsizdikpen jáne teridegi bórtpemen sıpattalady.
Zertteý nátıjesine sáıkes, klımattyń jylynýy vırýs tasymaldaýshy masalardyń, ásirese tómen temperatýrada da tirshilik ete alatyn azııalyq jolbarys masasynyń (Aedes albopictus) taralý aımaǵyn keńeıtýge yqpal etedi.
Ǵalymdardyń baǵalaýynsha, 2100 jylǵa qaraı yqtımal ınfektsııa oshaqtary Eýropanyń soltústik óńirlerine, Soltústik Amerıka men Shyǵys Azııaǵa qaraı yǵysýy múmkin.
Zertteýshiler bolashaqtaǵy qaýip-qaterdi azaıtý úshin qońyrjaı klımatty aımaqtarda epıdemıologııalyq baqylaýdy kúsheıtip, masalar popýlıatsııasyn qadaǵalaý qajet ekenin atap ótti.
Bıyl aqpan aıynda ǵalymdar Eýropanyń 29 elinde chıkýngýnıa vırýsynyń taralý qaýpi bar ekenin eskertti.
Sol ýaqytta Armenııada chıkýngýnıa qyzbasynyń alǵashqy deregi tirkeldi.
