Eýropa chempıony Golovkınmen jekpe-jekke shyqpaýy múmkin

NUR-SULTAN. QazAqparat - Orta salmaqtaǵy polshalyq Eýropa chempıony Kamıl Sheremettiń maýsymda qazaqstandyq Gennadıı Golovkınmen jekpe-jekke shyǵýy ekitalaı. Bul týraly Bokser.org-ke bergen suhbatynda promoýter Andjeı Vasılevskıı aıtty, dep habarlaıdy Sports.kz.

GGG-ge qarsy shaıqastan bólek, Sheremet WBC-nyń «ýaqytsha» álem chempıony Djermall Charlodan usynys alǵan bolatyn. Alaıda jazdyń birinshi aıynda onyń jattyqtyrýshysy Fedor Lıapın birinshi aýyr salmaqtaǵy Búkilálemdik boks serııasynyń jartylaı fınalynda Maırıs Brıedıspen kúresýge óziniń basqa shákirti Kshıshtof Glovatskıdi daıyndaýmen aınalysatyn bolǵandyqtan, polıak dál qazirgi ýaqytta mundaı úlken shaqyrtýlardy qabyldaýǵa daıyn emes. Sol sebepti maýsym aıyndaǵy Golovkınniń negizgi qarsylasy amerıkalyq Brendon Adams bolmaq.

GGG komandasy eks-chempıonnyń kelesi jekpe-jegine shyǵatyn boksshylardyń naqty esimderin ázirge ataǵan joq. Jattyqtyrýshy Gennadıı Abel Sanches sońǵy suhbattarynyń birinde bul suraqty aptanyń sońynda talqylaýdy josparlap otyrǵandaryn aıtyp ótti.