17:11, 18 Qańtar 2022 | GMT +6
Eýropa chempıonatynyń muz aıdynynda Dımashtyń oryndaýyndaǵy án qoıyldy
NUR-SULTAN. QazAqparat – Álem chempıony Anna Şerbakova mánerlep syrǵanaýdan Eýropa chempıonatynda Dımash Qudaıbergenniń oryndaýyndaǵy «Ave Marııa» kompozıtsııasyna óner kórsetti, dep habarlaıdy QazAqparat dimashnews saıtyna silteme jasap.
Bul án alǵash ret 2021 jyldyń 25 tamyzynda «Novaıa Volna» jas oryndaýshylardyń halyqaralyq baıqaýynyń jabylý saltanatynda kórermenge jol tartqan edi.
«Bıylǵy 16 qańtarda qazirgi álem chempıony Anna Şerbakova osy kompozıtsııamen kórermenniń júregin jaýlap aldy. Jas reseılik mánerlep syrǵanaýshy áserli qoıylymda tańǵajaıyp shyǵarmany áserleı tústi», - delingen saıtta.
