Eýropa chempıonatyna qatysatyn fýtbolshylar belgili boldy
QOSTANAI. QazAqparat - Fýtzaldan Qazaqstan quramasynyń bas bapkeri Kakaý 2018 jylǵy Eýropa chempıonatynyń fınaldyq kezeńine baratyn keńeıtilgen quramdy jarııalady, dep habarlaıdy QazAqparat tilshisi.
Shaǵyn fýtboldan ótetin «kári qurlyqtyń» basty básekesin Slovenııa memleketi qabyldaıdy. Oǵan deıin el quramasy Iranda ótetin halyqaralyq týrnırge attanady. Dop dodasy jeltoqsan aıynda Isfahan qalasynda ótedi.
Bas bapker keńeıtilgen tizimge 25 oıynshyny alypty. Negizgi ótinimge 14 sportshy iligedi. Olardyń arasynda Rýdnyılyq «Aıattyń» 4 fýtzal sheberi bar.
Qazaqstan quramasy:
Qaqpashylar: Grıgorıı Shamro ("Aqtóbe"), Igıta ("Qaırat"), Aleksandr Gýrov ("Jetisý")
Alańdaǵy oıynshylar: Arnold Knaýb, Nıkolaı Pengrın, Aleksandr Dovgan, Andreı Týrsagýlov, Orazov Aleksandr, Ilıa Mýn (barlyǵy - "Jetisý"), Dáýren Nurǵojın, Serik Jamanqulov, Leo, Dinmuhambet Súleımenov, Shyńǵys Esenamanov, Mıhaıl Pershın, Dýglas (barlyǵy - "Qaırat"), Taký Pavel, Qaırat Imanalın, Albert Akbalıkov, Tóreǵazın Rınat, Ashat Kólbaev (barlyǵy - "Aqtóbe"), Anton Ryndın, Ersultan Saǵyndykov, Alekseı Lopatıýk, Azat Valıýllın (bári - "Aıat").
Qostanaılyq jankúıerler úshin taǵy bir jańalyq, «Aıattyń» basty «kóziri» 22 jastaǵy brazılııalyq legıoner Maıkon Sılva komandamen qosh aıtysty. Ol endi ázerbaıjandyq «Araz» komandasynyń namysyn qorǵaıdy.
