Eýropa chempıonaty: Qazaqstannyń fýtboldan jastar quramasy Belgııadan jeńildi

ASTANA. QazAqparat - Fýtboldan 21 jasqa deıingi Qazaqstan jastar quramasy 2025 jylǵy Eýropa chempıonaty irikteý satysynyń ekinshi týrynda syrt alańda Belgııamen kezdesti, dep habarlaıdy QazAqparat tilshisi.

Kezdesý barysynda belgııalyq fýtbolshylar alǵashqy mınýttan alań tórinde basymdyq tanytty. Oǵan qazaqstandyq jastar laıyqty qarsylyq kórsetti. Birinshi kezeńde esep ashylǵan joq.

Ekinshi kezeńde de oıyn barysy osylaı órbip jatty. Dese de belgııalyq jastardyń belsendiligi baıqaldy. Oıynnyń 77-mınýtynda alań ıeleri qatarynan Kazım Olaıgbe mergendik tanytty.

Osylaısha qazaqstandyq qurama qarsylasyna ese jiberdi. Esep - 0:1.

Aıta ketsek, qazaqstandyq jastar V tobynda synǵa túsedi. Qarsylastary - Ispanııa, Vengrııa, Shotlandııa, Malta jáne Belgııa quramalary.

Eske salsaq, budan buryn qazaqstandyq jastar Vengrııaǵa 0:2 esebimen jol berdi.

Endi qazaqstandyq jastar 17 qazanda óz alańynda Ispanııany qabyldaıdy. Qalǵan oıyndar 2024 jyldyń naýryz-qazan aılary aralyǵynda ótkiziledi.