Eýropa chempıonaty: Qazaqstan jastar quramasy Vengrııaǵa ese jiberdi

ASTANA. QazAqparat - Fýtboldan 21 jasqa deıingi Qazaqstan jastar quramasy 2025 jylǵy Eýropa chempıonaty irikteý satysynda Vengrııa quramasymen kezdesti, dep habarlaıdy QazAqparat tilshisi.

Vengrııa jáne Qazaqstan quramalary qurlyqtyq dodanyń irikteý satysyndaǵy alǵashqy oıynyn ótkizdi.

Kezdesý barysynda qos qurama birden shabýylǵa shyqqan edi. Alǵashqy mınýttarda alań ıeleriniń belsendiligi baıqalyp turdy.

Nátıjesinde oıynnyń 10-mınýtynda vengrııalyq Matıash Kovach kózdegen nysanadan múlt ketken joq.

Al 89-mınýtta olardyń qatarynan Andresh Erdeg esepti ústemeleı tústi.

Aıta ketsek, elimizdiń jastar quramasy V tobynda synǵa túsedi. Qarsylastary - Vengrııa, Belgııa, Ispanııa, Malta jáne Shotlandııa quramalary.

Endi qazaqstandyq fýtbolshylar 11 qyrkúıekte syrt alańda Belgııamen sheberlik baıqassa, 17 qazanda óz alańynda Ispanııany qabyldaıdy.

Qalǵan oıyndar 2024 jyldyń naýryz-qazan aılary aralyǵynda ótkiziledi.

Eske salsaq, budan buryn 2024 jylǵy Eýropa chempıonatyna irikteý satysynda Qazaqstan quramasy Fınlıandııadan utylǵan edi.