Eýropa chempıonaty: Anglııa óziniń tarıhynda tuńǵysh ret fınalǵa shyqty
NUR-SULTAN. QazAqparat - Búgin fýtboldan Eýropa chempıonatynyń alǵashqy jartylaı fınalynda Anglııa men Danııa quramalary kezdesedi, dep habarlaıdy QazAqparat tilshisi.
Eki qurama ózara 22 kezdesýin ótkizdi. Buǵan deıin 12-de aǵylshyndar jeńiske jetip, 4-de danııalyqtar basym tússe, qalǵanynda teń nátıje tirkelgen bolatyn.
Aıta keterligi, buǵan deıin aǵylshyndar 1968, 1996 jyldary qurlyqtyq dodanyń jartylaı fınalynda oıyn kórsetti. Ekeýinde de qarsylastaryna ese jiberip, qola júldeni qanaǵat tutqan edi.
Áli kúnge deıin Eýropa chempıony ataǵyna qol jetkize almaı júr.
Sol ketken eseni búgin qaıtarýǵa tyrysty.
Al Danııa 1992 jyly altynnan alqa taǵyp, 1984 jyly qola júldeger boldy.
Anglııa quramasy aldymen óz qaqpasyna gol jiberip aldy. Danııalyq Mıkkel Damsgor 30-mınýtta mergendik tanytty. Al 39-mınýtta danııalyq Sımon Ker óziniń qaqpasyna gol soǵyp, tarazy basyn teńesti.
Negizgi kezeńde 1:1 esebi tirkelip, oıyn overtaımǵa ulasty. Overtaımnyń 104-mınýtta Garrı Keın óziniń quramasyna jeńis syılady. Osylaısha Anglııa óziniń tarıhynda tuńǵysh ret qurlyqtyq dodanyń fınalyna joldama aldy.
Eske salsaq, 6 shildede Italııa Ispanııany jeńip, fınalǵa joldama alǵan bolatyn.
Fınal 11 shildede Anglııa astanasy London qalasyndaǵy «Ýemblı» stadıonynda ótkiziledi.
