Eýropa chempıonatynda 25 maýsymda qaı quramalar oınaıdy
ASTANA. KAZINFORM - Fýtboldan 2024 jylǵy Eýropa chempıonatynda búgin, 25 maýsymda S jáne D toptarynda úshinshi týr oıyndary ótkiziledi.
Bul kúni saǵat 21.00-de D tobynda Nıderland pen Avstrııa sheberlik baıqasady. Kezdesý Berlın qalasyndaǵy «Olımpıashtadıon» stadıonynda ótedi. Qazirge deıin quramalar jıyrma márte kezdesse, onynda Nıderland, altaýynda Avstrııa jeńip, qalǵanynda teń nátıje tirkeldi. Dál sol ýaqytta atalǵan topta Frantsııa men Polsha kezdesýi bastalady.
Oıyn Dortmýnd qalasyndaǵy «Sıgnal Idýna Park» stadıonynda ótkiziledi. Qos qarsylas ózara on segiz márte kezdesse, toǵyzynda Frantsııa, tórteýinde Polsha basym túsip, qalǵanynda jeńimpaz anyqtalǵan joq. Atalǵan topta birinshi týrda Frantsııa Avstrııany 1:0, Nıderland Polshany 2:1 esebimen tize búktirdi. Ekinshi týrda Frantsııa men Nıderland 1:1 esebimen teń oınasa, Avstrııa Polshany 3:1 esebimen jeńdi. Sondaı-aq 00.00-de C tobynda Anglııa men Slovenııa oınaıdy. Kezdesý Keln qalasyndaǵy «Raın-Energı» stadıonynda bolady.
Eki qurama buǵan deıin alty márte kezdesti. Beseýinde Anglııa quramasy jeńiske jetse bireýinde oıyn teń nátıjemen aıaqtaldy. Atalǵan toptaǵy taǵy bir oıynda Danııa men Serbııa kezdesedi. Oıyn Mıýnhen qalasyndaǵy «Alıants-Arena» stadıonynda bolady. Qazirge deıin quramalar úsh márte oınap, barlyǵynda Danııa basym tústi.
Alǵashqy týrda Slovenııa men Danııa 1:1 esebimen teń tússe, Anglııa Serbııany 1:0 esebimen tize búktirdi. Al ekinshi týrda Danııa men Anglııa, Slovenııa men Serbııa 1:1 esebine qanaǵat bildirdi. Oıyndar «Qazaqstan» jáne «Qazsport» telearnalarynan tikeleı efırde kórsetiledi.
Eske salsaq, 24 maýsymda V tobynda Ispanııa Albanııany 1:0 esebimen jeńse, Italııa men Horvatııa 1:1 esebine qanaǵat bildirdi.
