Eýropa chempıonatyna irikteý: Fýtboldan Qazaqstan jastary alǵashqy jeńisine jetti
Fýtboldan 21 jasqa deıingi Qazaqstan jastar quramasy 2025 jylǵy Eýropa chempıonatyna irikteý satysynyń tórtinshi oıynynda Maltamen kezdesti, dep habarlaıdy Kazinform.
Qazaqstan V tobynda synǵa túsip jatyr. Qarsylastary – Ispanııa, Majarstan, Shotlandııa, Malta jáne Belgııa quramalary.
Syrt alańda ótken matchta qazaqstandyq jastar alań ıelerine qarsy tegeýrinde oıyn kórsetti.
Atalǵan topta Malta álsiz quramanyń biri bolyp otyr. Qazirge deıin tórt kezdesýdiń barlyǵynda qarsylasyna ese jiberdi.
Búgingi oıynnyń birinshi kezeńinde qos quramanyń da esep ashatyn birneshe múmkindigi bolǵan edi. Keıbir sátte olarǵa dáldik jetispese, endigi bir mezette qaqpashy men qorǵaýshylar saýatty oıyn kórsetti.
Ekinshi kezeńde qazaqstandyq Aıbar Abdýlla 53-mınýtta esep ashsa, 72-mınýtta Damır Qasabolat basymdyqty arttyra tústi.
Osylaısha Qazaqstan fýtbolshylary qurlyqtyq doda irikteý satysyndaǵy alǵashqy jeńisine qol jetkizdi. Esep – 2:0.
Eske salsaq, el jastary budan buryn úsh oıyn ótkizip, Majarstanǵa – 0:2, Belgııaǵa – 0:1, Ispanııaǵa 0:4 esebimen jol berdi.
Endi QR quramasy aldaǵy oıynyn 2024 jyldyń 21 naýryzynda syrt alańda Shotlandııaǵa qarsy ótkizedi.
