Eýropa chempıonaty: Qazaqstandyq jas fýtbolshylardyń qarsylastary anyqtaldy
ASTANA. KAZINFORM — Shveıtsarııanyń Non qalasynda 17 jasqa deıingi jasóspirimder arasynda 2025/26 jylǵy Eýropa chempıonaty birinshi irikteý satysynyń jerebesi tartyldy.
Jerebe nátıjesinde qazaqstandyq jasóspirim fýtbolshylar segizinshi topqa tústi. Qarsylastary — Horvatııa, Nıderland jáne Albanııa. Oıyndar 2025 jyldyń 1 shildesi men 18 qarasha aralyǵynda ótedi.
Alǵashqy irikteý satysynda árbir toptyń jeńimpazy men ekinshi oryn alǵan komandalar A lıgasy joldama alady. Al qalǵan 26 qurama V lıgasy ekinshi irikteý satysynda baq synaıdy.
Qurlyqtyq dodanyń fınaldyq týrnıri Estonııada ótedi.
Sondaı-aq 19 jasqa deıingi jastar arasynda 2025/26 jylǵy Eýropa chempıonaty irikteý satysynda Qazaqstan quramasy birinshi topta Irlandııa, Nıderland jáne Kıprmen sheberlik baıqasady.
Oıyndar 1-18 qarasha aralyǵynda bolady. Árbir toptan alǵashqy eki oryndaǵy jáne úshinshi oryndaǵy úzdik nátıjege qol jetkizgen quramalar 2026 jyldyń kókteminde Ispanııada elıtalyq satysynda synǵa túsedi. Odan úzdik atanǵan jeti qurama men Ýels fınaldyq satysynda júldeni sarapqa salady.
Eske salsaq, 2034 jylǵy álem chempıonatynyń fınaly Er-Rııadta ótedi.