Eýropa chempıonaty: Qazaqstan fýtzal quramasynyń qarsylasy anyqtaldy

ASTANA. KAZINFORM — Fýtzaldan Qazaqstan quramasynyń 2026 jylǵy fýtzaldan Eýropa chempıonatyna irikteý kezeńindegi ótpeli matchyndaǵy qarsylasy anyqtaldy.

Jarystyń atalǵan satysyndaǵy oıyndardyń jerebesi tartyldy. Oǵan barlyǵy negizgi kezeńde ekinshi oryn alǵan 8 qurama qatysady. 

Pleı-off eki matchtan turady. Olar úıde jáne syrt alańda bolady. Oıyndar 15-24 qyrkúıek aralyǵynda ótedi.

Qazaqstan fýtzal quramasy jarystyń atalǵan satysynda Ilaııamen sheberlik baıqasady.
Qazaqstan fýtzal quramasy negizgi kezeńde óz tobynda ekinshi oryn aldy. Onda Albanııa (2:0, 4:2), Armenııa (4:4, 2:4), Danııa (2:3, 7:3) qurmalarymen oınady.

Aıta ketsek, bul týrnır Latvııa men Lıtva, Slovenııa elderinde ótkiziledi.
Buǵan deıin týrnırdi birlesip qabyldaıtyny belgili bolǵan Latvııa men Lıtva óz mártebesin saqtap qaldy. Al Slovenııa úshinshi qabyldaýshy el retinde bekitildi.

Qatysýshy elder men ınfraqurylymdyq múmkindikti jan-jaqty saraptaǵannan keıin atqarýshy komıtet Slovenııany tańdady. Lıýblıana qalasy 2018 jylǵy týrnırdi joǵary deńgeıde ótkizgen edi.