Eýropa chempıonaty: Fýtboldan Qazaqstan jastar quramasy Anglııamen bir topqa tústi

ASTANA. KAZINFORM – Fýtboldan Qazaqstan jastar quramasynyń (U21) 2027 jylǵy Eýropa chempıonatynyń irikteý týrnırindegi qarsylastary belgili boldy. 

Jerebe tartý rásimi Shveıtsarııanyń Non qalasyndaǵy shtab-páterinde ótti. 

Sports.kz-tiń málimetinshe, U-21 quramalar arasynda Eýropa chempıonatynyń elektik satysynda Qazaqstan besinshi qorjynǵa, ıaǵnı D tobyna tústi. Toptyq kezeńde jastarymyz Anglııa, Irlandııa, Slovakııa, Moldova jáne Andorramen sheberlik baıqasady. 

Aıta keteıik, irikteý oıyndary 2025 jyldyń naýryzynan bastalyp, 2026 jyldyń qazanyna deıin jalǵasady. 

Buǵan deıin fýtzaldan Qazaqstan ulttyq quramasy 2026 jylǵy Eýropa chempıonatynyń irikteý kezeńindegi tórtinshi oıynyn Danııaǵa qarsy ótkizip, jeńiske jetkenin habarlaǵan edik.