Eýropa chempıonaty: Frantsııa jartylaı fınalǵa shyqty
ASTANA. KAZINFORM — Fýtboldan 2024 jylǵy Eýropa chempıonatynda Frantsııa jartylaı fınalǵa ekinshi joldamanyń ıegeri atandy.
Qurlyqtyq dodanyń taǵy bir shırek fınalynda Frantsııa men Portýgalııa jolyqty. Kil myqtylar jınalǵan qos quramanyń kezdesýi jankúıerler tarapynan erekshe qyzyǵýshylyq tanytqany ras.
Kópshilik kókeıinde tájirıbeli Krıshtıaný Ronaldý bastaǵan portýgalııalyq fýtbolshylar Frantsııanyń Kılıan Mbappe syndy jastaryna qalaı qaýqar kórsete alady degen saýal bar edi.
Qos qurama ózara kezdesýinde jankúıer kóńilinen shyǵarlyq tartysty oıyn ótkizdi. Dese de birinshi kezeńde tablodaǵy esepke ózgeris engen joq.
Negizgi kezeńde quramalar 0:0 esebine qanaǵat bildirip, oıyn qosymsha kezeńge ulasty. Qosymsha kezeńde jeńimpaz anyqtalǵan joq. Penaltıler serııasynda Frantsııanyń joly boldy.
Jartylaı fınalda 9 shildede Ispanııa men Frantsııa kezdesedi.
Endi 6 shildede Anglııa men Shveıtsarııa, Nıderland pen Túrkııa kezdesedi.
Eske salsaq, budan buryn Ispanııa quramasy Germanııany qosymsha kezeńde 2:1 esebimen jeńip, jartylaı fınalǵa joldama aldy.
Aıta ketsek, Eýropa chempıonaty 1960 jyldan beri uıymdastyrylyp keledi. Qazirge deıin Germanııa, Ispanııa - 3, Italııa, Frantsııa - 2, KSRO, Portýgalııa, Chehoslovakııa, Nıderland, Danııa men Grekııa - 1 márteden jeńis tuǵyryna kóterildi.
