Eýropa chempıonaty: 17 maýsymda qaı quramalar oınaıdy

ASTANA. KAZINFORM — Fýtboldan 2024 jylǵy Eýropa chempıonatynyń tórtinshi oıyn kúni, 17 maýsymda úsh oıyn ótkiziledi.

Aldymen 18:00–de E tobynda Rýmynııa men Ýkraına oınaıdy.

Báseke Qazsport telearnasynan tikeleı efırde kórsetiledi.

Eki qurama qazirge deıin 6 márte kezdesken. Onyń 3-i rýmynııalyq quramanyń basymdyǵymen aıaqtalsa, 7-de teń nátıje tirkeldi. Qalǵanynda ýkraınalyq fýtbolshylar jeńiske jetti.

Qurlyqtyq dodada Rýmynııa besinshi márte baq synap otyrsa, Ýkraına úshinshi márte qatysýda.

Odan keıin E tobyndaǵy taǵy bir kezdesý Belgııa men Slovakııa oıyny 22:00–ge belgilengen.

Kezdesýdi jankúıerler Qazsport telearnasynan tikeleı efırde tamashalaı alady.

Qazirge deıin eki qurama 3 márte sheberlik baıqasty. Olardyń 2-de teń nátıje tirkelse, 1-de Belgııanyń mereıi ústem boldy.

Slovakııa ázirge atalǵan qarsylasyn jeńe almaı keledi.

Slovakııa bıyl qurlyqtyq doda fınaldyq satysynda úshinshi márte oınap jatsa, Belgııa altynshy márte keldi.

Búgingi oıyndardy saǵat 23:55–te D tobyndaǵy Avstrııa men Frantsııa kezdesýi túıindeıdi.

Match Qazsport telearnasynan tikeleı efırde kórsetiledi.

Eki qurama qazirge deıin 29 márte kezdesken. Onyń 9-da Avstrııa jeńiske jetse, 4-de teń nátıje tirkelip, qalǵanynda Frantsııa basymdyq tanytty. 

Eýropa chempıonatyna Avstrııa tórtinshi márte qatysýǵa múmkindik alsa, Frantsııa onynshy ret keldi.

Eske salsaq, 16 maýsymda S tobynda Slovenııa men Danııa 1:1 esebine qanaǵat bildirse, Anglııa Serbııany 1:0 esebimen tize búktirdi.

D tobynda Polsha Nıderland quramasyna 1:2 esebimen ese jiberdi.