Eýropa birligin nasıhattaıtyn fılm «LUX» júldesine ıe boldy
ASTANA. QazAqparat - Polshalyq rejısser Pavel Pavlıkovskıı túsirgen «Ida» fılmi LUX eýropalyq kınojúldesiniń jeńimpazy atandy, dep habarlady dw.de.
17 jeltoqsan kúni Strasbýrg qalasynda Eýroparlament tóraǵasy Martın Shýlts atalǵan júldeniń syılyǵyn jeńimpazǵa saltanatty jaǵdaıda tabys etti. Endi Eýroparlament fılmniń sýbtıtrin Eýropalyq odaqtyń resmı 24 tiline aýdarý úshin arnaıy qarjy bóletin boldy. «Ida» fılmi 1960 jyldardaǵy oqıǵa týraly túsirilgen. Kórkem fılm jelisi boıynsha, Polshadaǵy monastyr tárbıelenýshisi jas qyz kenetten óziniń shyqqan tegi týraly tragedııalyq oqıǵany biledi. Fılm premerasy 2013 jyldyń 25 qazan kúni bolǵan.
