Eýropa banki «Batys Eýropa-Batys Qytaı» dálizine 142 mln. dollar qaryz beredi - Parlament
ASTANA. 20 maýsym. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasy men Eýropa qaıta qurý jáne damý banki arasyndaǵy Qaryz týraly kelisimdi («Shymkent-Tashkent» jolynyń ýchaskesin rekonstrýktsııalaý) ratıfıkatsııalaý týraly» zańy qabyldandy.
Atalǵan «Shymkent-Tashkent» jol ýchaskesiniń jobasy «Batys Eýropa-Batys Qytaı» halyqaralyq dálizi jobasynyń biri bolyp tabylady. Kelisimge sáıkes, Qazaqstan Eýropa qaıta qurý jáne damý bankinen 142 mln. dollar somasynda qaryz alady. Ony óteý merzimi 4 jyldyq jeńildikti qosa alǵanda 18 jyldy quraıdy. Atalǵan qaryz somasy uzaqtyǵy 62 shaqyrymdy quraıtyn jol ýchaskesine tsement betondy tóseýge, tórt jolaqty qozǵalysty uıymdastyryp, ony birinshi sanatqa aýystyrýǵa jumsalatyn bolady. Bul ýchaske Ózbekstanmen memlekettik shekaradaǵy «Jibek joly» shekara beketi men «Shymkent-Tashkent» jolynyń 742-shaqyrymy arasynda ornalasqan.
Ýchaske qurylysyna qatysty Qazaqstan Úkimetiniń birlese qarjylandyrýy 34,7 mln. dollardan aspaıtyn bolady.
Parlament qabyldaǵan zań Memleket basshysynyń qol qoıýyna joldanady.
