Eýropa áýejaılarynda jolaýshylardyń elektrondy quraldaryn tekserý kúsheıtilýde
ASTANA. QazAqparat - Amerıkalyq bılik AQSh-qa baǵyttalǵan tikeleı reısterge qyzmet kórsetetin eýropalyq iri áýejaılardyń ákimshilikterine jolaýshylardyń elektrondy quraldaryn tyńǵylyqty tekserý talabyn alǵa tartty, dep jazady sheteldik BAQ.
Endi AQSh-qa qaraı ushatyn jolaýshylarǵa kompıýterdi nemese telefondy qosyp, tekserý sharalary iske asyrylýy múmkin. Eger de qurylǵynyń batareıasy otyryp qalsa, onda ony bortqa alyp kirýge ruqsat etilmeýi yqtımal.
Belgili bolǵandaı, londondyq «Hıtroý» elektrondy apparattar tyńǵylyqty tekseriletin eýropalyq áýejaılardyń biri bolmaq.
Frantsııa, Brıtanııa jáne Germanııa AQSh-tyń qaýipsizdik sharalaryn kúsheıtý usynystaryna kelisimin bildirdi.
