Eýropa áýejaılarynda qol júgindegi suıyqtyqqa qatysty shekteýler jeńildeýi múmkin

ASTANA. KAZINFORM – Eýropa áýejaılarynda jańa tekserý jabdyqtarynyń ornatylýy jolaýshylarǵa kólemi úlkenirek suıyqtyq qutylaryn bortqa alyp kirýge múmkindik berýi múmkin. Bul týraly Euronews habarlaıdy.

Eýrokomıssııa qurlyq áýejaılaryna iri kólemdegi konteınerlerdiń ishin skanerleı alatyn jabdyqtar ornatýdy josparlap otyr. Qazirdiń ózinde birneshe áýejaıda jarylǵysh zattardy anyqtaı alatyn zamanaýı júıeler iske qosylǵan. Eýrokomıssııa sarapshylary olardyń jumysyn oń baǵalaǵan. Endi bul bastamaǵa qatysty túpkilikti sheshimdi Eýropalyq azamattyq avıatsııa konferentsııasy qabyldaıdy.

Qoldanystaǵy erejelerge sáıkes, jolaýshylarǵa kólemi 100 ml-den asatyn suıyqtyqty qol júginde alyp ótýge tyıym salynǵan (dári-dármek pen balalar taǵamynan basqa).

Alaıda qazirgi ýaqytta barlyq eýropalyq áýejaılarda mundaı zamanaýı jabdyq ornatý múmkindigi joq ekeni aıtylyp otyr.

Aıta keteıik, Eýropalyq Odaq AITV-ǵa qarsy jańa vaktsınany qoldanýǵa ruqsat berdi.