Eýropa, AQSh, Japonııa bankteriniń naryqtaǵy quny naýryz aıynyń basynan beri 459 mlrd dollarǵa tómendedi

LONDON. QazAqparat - AQSh, Eýropa jáne Japonııanyń iri bankteri aktsııalarynyń quny amerıkalyq Silicon Valley bankiniń bankrotqa ushyraýy men shveıtsarııalyq Credit Suisse-diń problemalary aıasynda naýryz aıynyń basynan beri orta eseppen 16%-ǵa (aqshalaı eseptegende 459 mlrd dollar) tómendedi. Juma kúni Financial Times gazeti óz saıtynda osyndaı baǵa berip, bul 2020 jyldyń naýryzynan bergi eń úlken quldyraý ekenin jazdy, dep habarlaıdy QazAqparat TASS-qa silteme jasap.

Basylym retteýshilerdiń jaǵdaıdy turaqtandyrý áreketterin ázirge sátti dep baǵalaýǵa bolatyndyǵyn atap ótti. AQSh-tyń First Republic jáne Credit Suisse bankiniń quldyraý shegine jetken aktsııalary 30 mlrd jáne 54 mlrd dollar shuǵyl nesıe alǵanyna qaramastan, juma kúni quldyraýdy jalǵastyrdy.

Basylymnyń derekkózderi sondaı-aq, bolyp jatqan jaǵdaıǵa baılanysty amerıkalyq Goldman Sachs baǵaly qaǵazdar saýdasynda shamamen 200 mıllıon dollar joǵaltty dep habarlaıdy. Bank bul aqparatqa túsinikteme bermeıdi.