Eýropa - adamdar temekini, alkogoldik ishimdikti eń kóp qoldanatyn qurlyq
ASTANA. QazAqparat - Dúnıejúzilik densaýlyq saqtaý uıymynyń málimetterinshe, Eýropa qurlyǵy - alkogol men temeki ónimderin tutyný boıynsha álemdik kóshbasshy bolyp tabylady.
Sondyqtan onyń qazirgi jastarynyń ata-ájeleriniń jasyna jete almaýynyń qaýpi bar. Budan basqa, Eýropa turǵyndarynyń jartysynan kóbi - 59 paıyzy artyq salmaq pen semizdikke shaldyǵyp otyr.
DDSU eýropalyqtardyń densaýlyǵy týraly jańa baıandamasynda obyr, dıabet jáne júrek-qantamyry aýrýlarymen kúres tabysty júrgizilip, bul dertterden bolatyn ólim deńgeıi tómendep otyrǵanyn atap ótýde.
Alaıda temeki shegýshilerge baılanysty jaǵymdy jańalyq joq: statıstıkaǵa súıensek, Eýropa turǵyndarynyń úshten bir bóligi shylym shegedi - bul álemniń barlyq aımaqtarynyń arasyndaǵy eń joǵary kórsetkish.
Eýropa sondaı-aq turǵyndardyń jan basyna shaqqanda ishilgen spırttik sýsyndardyń kólemi jaǵynan kósh bastap tur - jylyna 11 lıtr taza alkogol.
