Eýropa 2050 jylǵa qaraı kedeılikti joıýdy maqsat etip otyr
ASTANA. KAZINFORM – Eýroodaq kedeılikpen kúreske arnalǵan keshendi strategııa usyndy. 2030 jylǵa qaraı bılik ókilderi kedeılik nemese áleýmettik oqshaýlaný qaýpi bar adamdar sanyn keminde 15 mıllıonǵa qysqartýdy josparlap otyr, dep habarlaıdy DW.
Qazirgi tańda EO-da árbir besinshi turǵyn jáne árbir tórtinshi bala kedeılik qaýpinde ómir súrip jatyr.
Qarjylyq turǵydan qıyn jaǵdaıda 93 mıllıon adam bar. Ásirese, jalǵyzbasty ata-analar men 16-29 jas aralyǵyndaǵy jastar osal topqa jatady.
Eýrokomıssııanyń vıtse-prezıdenti Roksana Mynzatý qazirgi geosaıası jáne ekonomıkalyq daǵdarystarǵa baılanysty jaǵdaı aldaǵy ýaqytta odan ári nasharlaýy múmkin ekenin aıtty.
Eýrokomıssııa kedeılikti azaıtý úshin bilim berý, densaýlyq saqtaý jáne mektepke deıingi mekemelerge qoljetimdilikti jaqsartýdy usynady. Sonymen qatar, psıhıkalyq densaýlyq salasyndaǵy baǵdarlamalardy keńeıtý jáne turǵyn úı tapshylyǵyna qarsy tıimdi sharalar qabyldaý josparlanǵan. Qazirgi kezde shamamen 1 mıllıonǵa jýyq adamnyń baspanasy joq.
Budan bólek, EO-da shamamen 90 mıllıon múmkindigi shekteýli adamdy qoǵamǵa beıimdeý de negizgi baǵyttardyń biri retinde qarastyrylǵan.
Atalǵan bastamaǵa jeke qarjylandyrý qarastyrylmaǵan. Brıýsselde burynnan bólingen qarajatty tıimdi paıdalanýǵa basymdyq berý usynylyp otyr.
Atap aıtqanda, EO-nyń aldaǵy birneshe jylǵa arnalǵan bıýdjetinde áleýmettik salaǵa keminde 100 mıllıard eýro bólingen. Sonymen qatar, Eýropalyq ınvestıtsııalyq bank pen ózge de uıymdar áleýmettik ınfraqurylymǵa mıllıardtaǵan eýro ınvestıtsııa salýdy josparlap otyr.
Aıta ketelik Eýropada tapsyryspen jasalatyn qylmystarǵa qarsy operatsııada 280 adam ustalǵany týraly jazǵan edik.
