Eýroodaqtyń joǵary ókili Qyrǵyzstandy jańa koalıtsııalyq úkimetimen quttyqtady
BRıÝSSELЬ. 20 jeltoqsan. QazAqparat /Dımash Syzdyqov/ - Eýroodaqtyń Syrtqy ister jáne qaýipsizdik saıasaty jónindegi joǵary ókili Ketrın Eshton Qyrǵyzstandy jańa úkimettiń qurylýymen quttyqtady, dep habarlady eýropalyq sheneýniktiń baspasóz qyzmetinen.
«Jańa konstıtýtsııa qabyldanǵannan jáne 2010 jyly 10 qazanda ótken parlamenttik saılaýdan keıin Qyrǵyz Respýblıkasynyń jańa koalıtsııalyq úkimetti qurýymen quttyqtaımyn. Bul eldegi konstıtýtsııalyq tártipti qalpyna keltirý jáne demokratııany ári qaraı nyǵaıtý jolyndaǵy mańyzdy kezeń bolyp tabylady. Respýblıkadaǵy reformalarǵa, atap aıtqanda, áleýmettik-ekonomıkalyq damý jáne ulttyq bitimgershilik salasyndaǵy reformalarǵa Eýroodaqtyń qoldaý kórsetýge ázir ekenin taǵy da atap ókim keledi», dedi K.Eshton.
Ótken jumada , 18 jeltoqsan kúni Qyrǵyzstan Jogorký Keneshiniń ekinshi májilisiniń qorytyndysy boıynsha depýtattar Parlament spıkerin jáne el Premer-Mınıstrin saılaǵanyn QazAqparat habarlaǵan bolatyn. Qyrǵyzstannyń Sotsıal-demokratııalyq partııasy, «Atajurt» jáne «Respýblıka» partııalarynan qurylǵan koalıtsııa bul laýazymdarǵa óz kandıdattaryn usyndy. Sonymen, Jogorký Kenesh spıkeri bolyp «Atajurt» partııasynyń múshesi Ahmatbek Keldibekov, Premer-mınıstr bolyp Almazbek Atambaev saılandy.
