Eýroodaqtyń joǵary ókili Izraıl men Palestına arasyndaǵy tikeleı kelissózge kómektesý úshin Taıaý Shyǵysqa attanady
BRıÝSSELЬ. Qyrkúıektiń 30-y. QazAqparat /Dımash Syzdyqov/ - Eýroodaqtyń Syrtqy ister jáne qaýipsizdik saıasaty jónindegi joǵary ókili Ketrın Eshton Izraıl men Palestına arasyndaǵy tikeleı kelissózdi qoldaý úshin búgin Taıaý Shyǵysqa barady,
dep habarlady Eýrokomıssııanyń baspasóz qyzmetinen.
Vedomstvo taratqan aqparatta atap kórsetilgendeı, Izraıldiń evreı qonystarynyń qurylysyna moratorııdi uzartpaý týraly sheshiminen keıin, Eýroodaq ókili K.Eshton qazir saparmen júrgen AQSh-tan tike Taıaý Shyǵysqa attaný týraly sheshim qabyldady. Izraıldiń bul sheshimi qyrkúıek aıynda Izraıl men Palestına avtonomııasynyń arasyndaǵy bastalǵan tikeleı beıbit kelissózdiń toqtap qalýyna sebep bolýy múmkin. Eýroodaq ókili taraptardy kelissózdi ári qaraı jalǵastyrýdyń joldaryn izdestirýge shaqyrmaq.
K.Eshton hanymnyń aıtýynsha, «Eýroodaq qurylys júrgizýge salynǵan moratorııdi uzartpaý týraly Izraıldiń sheshimine ókinish bildiredi. Saparymnyń barysynda men eki tarapqa jaýapty áreket etý jáne beıbit joldy tańdaý týraly úndeýimdi taǵy da qaıtalamaqpyn. Kelissózdi júrgizýden basqa balama jol joq».
Eýroodaq ókili sapar barysynda Izraıl premeri Bınıamın Netanıahýmen, Palestına ulttyq ákimshiliginiń basshysy Mahmýd Abbaspen, sondaı-aq AQSh-tyń Taıaý Shyǵystaǵy arnaıy ókili Djordj Mıtchelmen kezdesýler ótkizedi.
