Eýroodaqtyń Joǵary ókili Gaıtıde qaza bolǵandardyń týystary men jaqyndaryna kóńil aıtty
BRıÝSSELЬ. Sáýirdiń 19-y. QazAqparat /Dımash Syzdyqov/ - Eýroodaqtyń Syrtqy ister jáne qaýipsizdik saıasaty jónindegi joǵary ókili Ketrın Eshton hanym, Gaıtıde ıspandyq tikushaqtyń apatynda qaza bolǵandardyń týystary men jaqyndaryna kóńil aıtty.
«Gaıtıdegi tikushaq apatynda tórt ıspandyq jaýyngerdiń qaza bolǵany týraly habarǵa qaıǵyryp otyrmyn, qaza bolǵandardyń otbasylary men jaqyndaryna kóńil aıtamyn», delingen kóńil aıtý hatynda.
Bell AB-212 tikushaǵy juma, sáýirdiń 16-sy kúni Gaıtıdiń elordasy -Port-o-Prens qalasynan 50 shaqyrymdaı jerde, Domınıkan Respýblıkasymen shekaraǵa jaqyn mańda apatqa ushyraǵan bolatyn. Tikushaq Gaıtıdegi ıspandyq «Espanola» gýmanıtarlyq mıssııasynyń quramyna kirgen jáne onyń bazasy Ispanııa áskerı-teńiz flotynyń «Kastılııa» desanttyq kemesinde bolǵan.
Qaza bolǵan ıspandyq áskerıler zilzaladan zardap shekken Gaıtıdi qalpyna keltirýge atsalysyp jatqan.
