Eýroodaqtyń Syrtqy ister jónindegi keńesi Ýkraına, Sırııa jáne Taıaý Shyǵystaǵy jaǵdaıdy talqylaıdy
BRıÝSSELЬ. 15 qarasha. QazAqparat - Eýroodaqtyń syrtqy ister jónindegi keńesi dúısenbi, 19 qarasha kúni ótetin otyrysta Ýkraına, Sırııa, Taıaý Shyǵystaǵy jáne álemniń basqa óńirlerindegi jaǵdaıdy talqylaıdy.
Bul týraly EO Keńesiniń baspasóz qyzmeti habarlady.
Ýkraınadaǵy parlamenttik saılaýdyń nátıjeleri boıynsha pikirtalas ótedi. Degenmen qandaı da bir sheshim qabyldaý josparlanyp otyrǵan joq. Talqylaý aǵymdaǵy jyldyń jeltoqsan aıynda ótetin syrtqy ister jónindegi keńestiń qorytyndy otyrysyna daıyndyq retinde ótkiziledi.
EO keńesi Sırııada bolǵan sońǵy oqıǵalardy talqylaıdy. Mınıstrler birqatar máseleler boıynsha pikir almasady.
Eýropalyq syrtqy saıasat vedomstvolarynyń basshylary Taıaý Shyǵysta beıbitshilik ornatý úderisiniń qorytyndylaryn qarastyryp, Palestına ákimshiliginiń BUU-da baqylaýshy dárejesine ıe bolý jónindegi bastamasyn talqylaıdy.
Sonymen qatar EO múshe-memleketterdiń syrtqy ister mınıstrleri AQSh, Malı, Kongo, Kýba, Somalı, Mysyr jáne álemniń basqa da óńirlerindegi jaǵdaıdy talqylaýdy josparlap otyr.
