Eýroodaqtyń Syrtqy ister mınıstrleri Reseıge qarsy sanktsııalardy talqylaýy múmkin
BRıÝSSELЬ. QazAqparat - Eýroodaqtyń Syrtqy ister mınıstrleri 17 qazanda Lıýksembýrgte ótetin otyrysta Sırııanyń Aleppo qalasyn bombalaýyna qarsy jaýap retinde Reseıge salynatyn sanktsııalardy talqylaýy múmkin. Bul týraly «QazAqparatqa» dıplomatııalyq aqparat kózi habarlady.
«Biz Sırııa boıynsha Reseıge qarsy sanktsııalar máseleleri boıynsha Eýroodaqtyń birqatar eliniń resmı tulǵalarynyń málimdemelerin estidik. Qazirgi tańda naqty usynystar joq. Alaıda bul mınıstrler arasyndaǵy ashyq pikir almasý bolady jáne árqaısysy jeke usynys jasaı alady», - dedi dıplomatııalyq aqparat kózi.
Sondaı-aq, ol sanktsııalardy engizý úshin bul sheshimdi EO-ǵa múshe 28 el quptaýy tıis ekenin aıtty.
«EO-nyń Shyǵys Aleppo men Sırııadaǵy qorshaýǵa alynǵan ózge aýdandarǵa kómek jetkizý boıynsha gýmanıtarlyq bastamalardy talqylaý basty nazarda bolady dep kútemiz. Sondaı-aq ony saıası úderis úshin qalypqa keltirý mańyzdy», - dep atap ótti ol.
Sonymen qatar, Eýroodaqta BUU Qaýipsizdik Keńesi Sırııa ústinde ushýǵa tyıym salýy kerek dep sanaıdy. Alaıda buǵan qol jetkizý ońaı emes.
