Eýroodaqtyń Shvetsııa tóraǵalyǵy Túrkııadaǵy jer silkinisine baılanysty arnaıy áreket etý mehanızmin iske qosty.

BRıÝSSELЬ. QazAqparat - 6 aqpanda Eýropalyq odaqqa Shvetsııa tóraǵalyǵy Túrkııa men Sırııadaǵy jer silkinisine baılanysty EO-ǵa múshe memleketter men Eýropalyq komıssııany qoldaý sharalaryn úılestirý úshin Birikken saıası daǵdarysqa qarsy áreketti (IPCR) belsendirý týraly sheshim qabyldady, dep habarlaıdy QazAqparat tilshisi.

Dúısenbi kúni Brıýssel qalasynda osy másele boıynsha arnaıy úılestirý keńesi ótti.

Daǵdarys, tabıǵı apat, tabıǵı nemese tehnogendik apat jaǵdaıynda EO kómek kórsetý jáne jaǵdaıdy sheshý úshin daǵdarysqa qarsy áreket etýdiń birneshe salalyq tetikterin paıdalana alady.

Biriktirilgen saıası daǵdarysqa den qoıý (IPCR) mehanızmderi aýyr jáne kúrdeli daǵdarystarǵa, sonyń ishinde lańkestik shabýyldarǵa qatysty EO saıası deńgeıinde jyldam jáne kelisilgen sheshim qabyldaýdy qoldaıdy.

Osy mehanızm arqyly Shvetsııa 2023 jyldyń qańtarynan bastap júzege asyryp kele jatqan Keńes tóraǵalyǵy EO ınstıtýttaryn, múshe memleketterdi jáne basqa da negizgi sýbektilerdi biriktirip, Túrkııadaǵy daǵdarysqa saıası reaktsııany úılestiredi.