Eýroodaqtyń Reseı munaıyna qatysty embargosy kúshine endi

MÁSKEÝ. TASS - QazAqparat – Búginnen bastap Eýropalyq Odaqtyń tankerlermen jetkiziletin Reseı munaıyna tyıym salatyn embargo kúshine enedi, dep habarlaıdy QazAqparat TASS agenttigine silteme jasap.

Dúısenbide Reseı Federatsııasynyń tankerlermen jetkiziletin munaıyna Eýropalyq Odaq embargosy, sonymen qatar quny 60 dollardan joǵary jáne naryqtaǵy baǵadan keminde 5% tómen Reseı munaıyn tasymaldaýǵa jáne saqtandyrýǵa EO, G7 elderiniń jáne Aýstralııanyń tyıym salý týraly sheshimderi qosa kúshine enedi.

Aıta ketsek, Eýropalyq Odaq maýsym aıynda Reseı Federatsııasyna qarsy sanktsııalardyń altynshy paketin qabyldady. Onda 5 jeltoqsannan bastap Reseı munaıyn jáne 5 aqpannan bastap munaı ónimderin teńizge jetkizý boıynsha keıinge qaldyrylǵan embargo qarastyrylǵan.

Al qyrkúıekte G7 qarjy mınıstrleri Reseı munaıyna baǵa shegin engizýge nıetti ekenin málimdedi. Bolgarııa Reseı Federatsııasynyń munaıy men munaı ónimderin teńiz arqyly 2024 jyldyń sońyna deıin, Horvatııa 2023 jyldyń sońyna deıin gaz maıyn satyp ala alady.

Foto: tass.ru