Eýroodaqtyń Ortalyq Azııa boıynsha strategııasy 15 mamyrda tanystyrylady
BRıÝSSELЬ. QazAqparat - Eýropalyq odaqtyń Ortalyq Azııa boıynsha jańa strategııasy 15 mamyrda tanystyrylady. Bul týraly «QR-EO» Parlamenttik yntymaqtastyq komıtetiniń 16-shy otyrysynda Eýropalyq dıplomatııalyq qyzmettiń Ortalyq Azııa boıynsha basshysy Borıs ıAroshevıch málim etti, dep habarlaıdy QazAqparat tilshisi.
«Strategııa negizgi eki bólimnen turady. Birinshisi turaqtylyqpen baılanysty bolady. Oǵan zań ústemdiligi, qaýipsizdik máseleleri, qorshaǵan ortany qorǵaý, klımattyń ózgerýi, bilim jáne jastarmen baılanysty taqyryptar kiredi», - dedi B.ıAroshevıch.
«Ekinshi bólimi Ortalyq Azııadaǵy gúldený jáne ál-aýqat máselelerine qatysty bolmaq. Ondaǵy taqyryptar negizinen Eýropa men Azııadaǵy reformalar, jekemenshik bıznes jáne ózara sabaqtastyqqa baılanysty bolady», - dep qosty ol.
Dıplomattyń aıtýynsha, Eýroodaqtyń Ortalyq Azııa boıynsha strategııasynda Qazaqstan «mańyzdy ról atqaratyn bolady». Bul qujat onjyldyq merzimdi qamtyp, aımaqtaǵy yntymaqtastyq baǵdarlamasyn anyqtaýǵa septigin tıgizedi.
«Adam quqyqtary máseleleri (strategııada), árıne, úlken mańyzǵa ıe bolmaq. Biz bul strategııany 15 mamyrda jarııalamaqpyz», - dep atap ótti spıker.
«Strategııa jarııalanǵan soń, Eýroodaqqa múshe elder qujatty maýsym aıynda maquldaýy tıis. Maýsymnyń basynda bizde Federıka Mogerını hanym men Ortalyq Azııa Syrtqy ister mınıstrleriniń arasynda kezekti kezdesý ótip, onda bul strategııa resmı túrde tanystyrylyp, talqyǵa salynady», - dep atap ótti B.ıAroshevıch.
Onyń aıtýynsha, jańa strategııanyń negizgi maqsaty - Eýroodaqtyń sońǵy ýaqytta oryn alǵan ózgeristerdi esepke ala otyryp, aımaq elderimen seriktestikti tereńdetý.
«Birinshi strategııa 2007 jyly tanystyrylǵan, biraq qazirgi kezde Ortalyq Azııada kóp nárse ózgergen. Biz qujatta ony eskerdik», - dedi Eýropalyq dıplomatııalyq qyzmettiń ókili.
«Strategııada aktsent kópjaqty qarym-qatynastarǵa jasalady. Ortalyq Azııada aımaqtyq deńgeıde jaqsy sheshiletin ortaq mindetter bar», - dep bólisti ol.
Avtor: Tımýr Dúısekeev
