Eýroodaqtyń kezekten tys sammıtinde tuńǵysh Prezıdent pen Eýroodaqtyń Syrtqy ister mınıstri saılandy
sp;BRıÝSSELЬ. Qarashanyń 20-sy. QazAqparat /Erjan Ospanov/ - Beısenbi kúni ótken Eýropalyq odaqtyń kezekten tys sammıtinde, Eýroodaq elderiniń memleket jáne úkimet basshylary biraýyzdan odaqtyń tuńǵysh Prezıdentin jáne dıplomatııalyq vedomstvonyń basshysyn saılady.
Eýroodaq Keńesinde tóraǵalyq etýshi shved premeri Frederık Reınfeldt qorytyndy baspasóz máslıhatynda sóılegen sózinde, joǵarǵy forýmnyń Eýroodaqtyń tuńǵysh prezıdenti etip biraýyzdan Belgııanyń premer-mınıstri Herman van Rompeıdi saılaǵanyn habarlady.
Al Eýroodaqtyń syrtqy ister jáne qaýipsizdik jónindegi joǵarǵy ókiliniń laýazymyna (Eýroodaq Syrtqy ister mınıstri) - saýda máseleleri jónindegi eýrokomıssar, baronessa Ketrın Eshton saılandy.
Atalǵan laýazymdar jańa qyzmetter bolyp tabylady jáne olar aǵymdaǵy jyldyń jeltoqsan aıynda kúshine enetin eýroodaqtyń jańa bazalyq qujaty - Lıssabon kelisimine sáıkes engizilip otyr.
