Eýroodaqtyń ishki shekaralary ashylady
NUR-SULTAN. QazAqparat – Koronavırýs epıdemıasyna baılanysty Eýropa shekarasy úsh aıǵa jýyq jabyq boldy. Alaıda dúısenbi túnde, 15 shildede olar qaıta ashylady, dep habarlaıdy QazAqparat Euronews-ke silteme jasap.
Eýroodaqtyń ishinde shekarasyn ashatyn elder qatarynda Belgııa, Germanııa, Nıderlandy, Frantsııa, Shveıtsarııa jáne basqalary bar. Ázirge tek Shengen aımaǵynda ishki shekaralar ǵana ashylady. Bul tek eýropalyqtardyń kirýine ruqsat beriletinin bildiredi. Onyń ózinde barlyǵyna emes.
Shengen aımaǵynan tys elder úshin shekteýler sol qalpynda ózgerissiz qalady. Shamasy bul shekteý tek shilde aıynda ǵana alynýy múmkin.
«Biz ishki shekaralardy ashýǵa bolatyn kezge jettik. Eýropa komıssııasynyń osy usynymyn kóptegen elder qoldap otyr», - dep málimdedi Іshki ister boıynsha eýrokomıssar Ilva Iohansson.
Alaıda Ispanııa shekarasyn tek 21 maýsymda ǵana ashady. Grekııada shekara dúısenbiden bastap ashylǵanymen, epıdemııa aýqymdy bolǵan Eýroodaq elderiniń azamattary úshin karantın kúshi sol qalpynda qalady.
Eske sala ketsek, Shengen kelisimine 1985 jyly qol qoıylǵan. Ol tek on jyldan soń tolyq kúshine engen. Qazir Shengen aımaǵyna 26 memleket kiredi. Onda 420 mıllıon eýropalyq ómir súredi.
Eske sala ketsek, Eýroodaq elderiniń syrtqy shekarasy 1 shildeden bastap ashyla bastaıdy.
