Eýroodaqtyń eń qylmysty astanasy anyqtaldy
ASTANA. 10 sáýir. QazAqparat - «Eýrostat» statıstıkalyq agenttigi Eýropalyq odaq elderi astanalaryndaǵy kisi óltirý men qastandyqtar sanyn eseptep shyǵardy, dep habarlady Rosbalt agenttigi.
Onda árbir 100 myń adamǵa shaqqandaǵy qylmystar sany baǵalandy. Onyń nátıjesi boıynsha Lıtvanyń astanasy - Vılnıýs 100 myń adamǵa eseptegende 7,9 oqıǵamen birinshi orynǵa shqty.
Ekinshi orynda - Tallın (6,03 oqıǵa) tur. Úshinshi orynda - Lıýksembýrg Gertsogtiginiń (4,24 oqıǵa) osy attas astanasy. Budan keıin - Amsterdam (3,65 oqıǵa), bul oraıdaǵy bestikti - 3,09 oqıǵamen Brıýssel tuıyqtaıdy. Berlın 27 qalanyń ishinde 11-orynda ornalasqan. Germanııa astanasynda kisi óltirýshiler qolynan 100 adamǵa shaqqanda jylyna bir-eki adam kóz jumady.
Helsınkı 1,76 kisi óltirý kórsetkishimen 13 orynǵa ıe bolyp otyr. Eýroodaqtyń eń qaýipsiz astanalary bolyp sanalatyn mıllıonnan astam halqy bar Madrıdte, Rımde jáne Venada da osyndaı jaǵdaı. Al Lıýblıan men Lıssabonda jyl saıyn 200 myń adamnyń bireýi ǵana kisi qolynan qaza tabatyn kórinedi.
Agenttik málimetterine qaraǵanda, eń qaýipsiz astana maltıılik Valleta qalasy bolyp shyqty, munda sońǵy birneshe jyldar boıy birde-bir qasaqana kisi óltirý nemese qastandyq bolmaǵan.
Álemniń basqa elderiniń astanalarymen salystyrǵanda, Eýropanyń basty qalalaryn qaýipsizdik araldary dep aıtýǵa bolady. Máselen Karakasta jyl saıyn 100 myń adamǵa shaqqanda 130-ǵa jýyq adam kisi qolynan kóz jumady eken. Ekinshi orynda - ońtústikafrıkandyq Keıptaýn tur. Munda 100 myń adamnyń 60-y jyl saıyn kisi qolynan ómirden ozady. Qaýipti qalalar úshtigin jylyna 55 adam óltiriletin Jańa Gvıneıa-Papýanyń basty qalasy qalasy - Morsbı tuıyqtaıdy.
