Eýroodaqtyń eki eli COVID-19 boıynsha «qyzyl» aımaqqa kirdi

BRıÝSSELЬ. QazAqparat – Eýropalyq aýrýlardy aldyn alý jáne baqylaý ortalyǵynyń deregine saı, Portýgalııa men Ispanııa óńirleriniń kóp bóligi koronavırýs juqtyrý kórsetkishteri boıynsha «qyzyl» aımaqqa kirdi, dep habarlaıdy QazAqparat.

«Sary aımaqta» Ispanııanyń eki óńiri – Galısııa men Kastılııa-La-Mancha qaldy.

Ispandyq BAQ-tyń habarlaýynsha, koronavırýs jastar arasynda tez taralýda. Ispanııanyń Densaýlyq saqtaý mınıstrliginiń esebine sáıkes, sońǵy eki kúnde 100 myń adam 225 koronavırýs juqtyrǵan, bul – aldyńǵy kezeńdegige qaraǵanda 20 pýnktke joǵary. Jastar arasynda bul kórsetkish 77 pýnktke kóterilip, 100 myń turǵynǵa 717 jaǵdaıdy kórsetip otyr.

Juqpalyǵy joǵary «delta» shtamynyń tez taralýyn eskere otyryp, ıspandyq óńirler tıisti sharalardy qoldanýda. Mysaly, Katalonııa seısenbi kúni túngi klýbtardy jabatyny týraly habarlady. Basqa óńirler jastar arasynda jappaı testileý júrgizý kerek dep sanaıdy.

Ispandyq mamandardyń aıtýynsha, eldegi sońǵy eki apta ishindegi ınfektsııanyń órshýiniń sebebi baqylaý sharalary qatań emes túngi klýbtardaǵy jaǵdaıǵa baılanysty bolyp otyr.