Eýroodaqtyń bes eli gaz baǵasynyń rekordtyq deńgeıge ósý sebepterin tekserýdi usyndy

NЬıÝ-IORK. TASS – QazAqparat – Eýroodaq elderiniń toby-Frantsııa, Ispanııa, Chehııa, Rýmynııa jáne Grekııa Eýropadaǵy gaz baǵasynyń rekordtyq deńgeıge deıin ósý sebepterin tekserýdi usyndy, dep habarlaıdy QazAqparat TASS agenttigine silteme jasap.

Bul týraly Bloomberg agenttiginiń jýrnalısi Haver Blas Twitter-de jarııalaǵan bes eldiń birlesken málimdemesinde aıtylǵan .

«Gazǵa keletin bolsaq, qazirgi gaz kelisimsharttarynyń nelikten jetkiliksiz ekenin túsiný úshin eýropalyq gaz naryǵynyń jumysyn zertteý kerek», - delingen málimdemede.

Sondaı-aq, bes el baǵanyń sharyqtaýyn azaıtý úshin gaz qorynyń kólemi boıysha jalpy erejelerdi belgileýge shaqyrdy. Málimdemede jalpy jaǵdaıdy jaqsartý úshin satyp alý kezinde úılestirýdi arttyrý usynylǵan.

Sonymen qatar, qujat avtorlary elektr energııasyn óndirý quny men onyń tutynýshylar úshin túpkilikti baǵasy arasyndaǵy baılanysty jaqsartý baǵytynda EO elektr energııasy naryǵyn reformalaýdy qajet dep sanaıdy.

Qujatta atalǵan bes eldiń ekonomıka jáne qarjy mınıstrleriniń birlesken málimdemesi kórsetilgen.

ICE bırjasynyń málimetteri kórsetkendeı, 4 qazandaǵy saýda-sattyq barysynda Eýropadaǵy gaz baǵasy rekordty jańartty jáne alǵash ret 1 myń tekshe metr úshin 1,2 myń AQSh dollarynan joǵary kóterildi. Ótken aptada bul kórsetkish tarıhta alǵash ret 1 myń AQSh dollarynan asqan bolatyn.

«Gazpromnyń» basqarma tóraǵasy Alekseı Mıller buǵan deıin Eýropanyń jerasty qoımalaryna gaz aıdaýdyń qatty artta qalýy men suranystyń artýy Eýropadaǵy otynnyń osy túriniń baǵasy rekordtardy jańartqanyna, jaqyn arada odan ári kóterilýi múmkin ekenine nazar aýdarǵan bolatyn.