Eýroodaqtyń áleýmettik shyǵyndarynyń shamamen 20% jumyspen qamtýdy qoldaýǵa baǵyttalǵan
Osy dataǵa oraı, Eýropalyq komıssııa Eýropanyń negizgi áleýmettik quqyqtaryna sáıkes, Eýroodaq turǵyndarynyń eńbek quqyqtaryn qorǵap, olarǵa jaqsy eńbek jaǵdaıyn usynýǵa kúsh salady.
EO-nyń Jumyspen qamtý jáne áleýmettik quqyqtar jónindegi komıssary Nıkolas Shmıt: «Eńbekshiler kúni Eýroodaqtyń barsha eńbekshilerdiń eńbek jaǵdaılaryn jetildirýge degen saıasatyn baǵalaýdyń jaqsy múmkindigi. Árıne, pandemııaǵa baılanysty eńbek naryǵyndaǵy kóptegen ózgeristerdi jedel júrgizý qajet boldy. Bul rette ýaqytty biliktiligimizdi beıimdep, jańa talaptardyń qanaǵattanarlyqtaı bolýyna shyǵyndaýǵa bolmaıdy», -dedi Shmıt.
EO kóptegen sala jumysshylarynyń quqyqtaryn nyǵaıtý úshin birqatar naqty qadamdar jasady. Komıssııanyń aqylǵa syıymdy eń tómengi jalaqy týraly usynysyna baılanysty qazir Eýroparlament jáne oǵan múshe memlekettermen kelissózder júrgizilýde.
EO sondaı-aq genderlik jalaqy aıyrmashylyǵyn qysqartýǵa múmkindik beretin jalaqynyń ashyqtyǵy erejeleri arqyly áıelderdiń eńbek naryǵyna qatysýyn qoldaıdy. Mysaly, kompanııalardaǵy atqarýshy emes dırektor laýazymdarynyń kem degende 40%-yn áıelderdiń ıelenýin belgileıtin EO erejelerine usynys boıynsha kelissózder júrgizilýde.
Komıssııa Eýropalyq Jastar jylynda jas urpaq pen onyń aldynda turǵan problemalarǵa erekshe kóńil bólip otyr. Mysaly, Jastar kepildigi jáne ALMA jańa bastamasy arqyly jumysy, bilimi nemese kásibı daıarlyǵy joq jastarǵa eńbek naryǵynda jolyn tabýǵa kómektesýde.
EO-daǵy jastardyń sandyq jumys platformalary arqyly jumys isteý múmkindigi bar. Eýropa komıssııasy jaqynda olardyń eńbek jaǵdaılaryn jaqsartýǵa baǵyttalǵan zańnamany usyndy. Sondaı-aq, Eýropa Odaǵynyń adamdardyń quqyqtary men qadir-qasıetiniń saqtalýyn qamtamasyz etetin laıyqty eńbek jaǵdaılaryn ilgeriletýde jetekshi rólge beıildiligin rastaıtyn Dúnıejúzilik laıyqty eńbek kommýnıkatsııasy usynyldy.
Eýroodaqtyń osy ýaqytqa deıin bekitilgen barlyq qalpyna keltirý josparlary áleýmettik maqsattarǵa qol jetkizýge yqpal etedi, dep atap ótti Eýrokomıssııa. Bul rette, EO áleýmettik shyǵyndarynyń 20,4%-y jumyspen qamtýdy jáne biliktilikti qoldaýǵa baǵyttalǵan, olardy iske asyrý jalǵasýda.
Budan bólek, Eýropalyq áleýmettik Plıýs qory (ESF+) 2021-2027 jyldar aralyǵynda adamdar, olardyń jumys oryndary jáne daǵdylaryn ınvestıtsııalaý úshin 99,3 mlrd eýroǵa jýyq qarjy bóledi.
Eýropalyq komıssııa Ýaqytsha qorǵaý dırektıvasy kúshine engen kezden bastap múshe memleketterge Ýkraınadan kelgen bosqyndardyń bilim alý, densaýlyq saqtaý, turǵyn úı jáne jumys quqyqtaryn tıimdi paıdalanýyn qamtamasyz etýge kómektesti. Osyǵan baılanysty Eýrokomıssııa «REACT-EU» baǵdarlamasy boıynsha EO-ǵa múshe memleketterge 3,5 mlrd astam eýro kóleminde avanstyq tólem jasady.
